Chłopca, jaki sfatahrafavaŭsia z detallu ad vadamiota, zrabili padazravanym pa spravie za «biesparadki»
4 kastryčnika ŭ Minsku padčas akcyi pratestu pratestoŭcami byŭ razukamplektavany vadamiot. Mikita Ihnaciuk sfatahrafavaŭsia z detallu ad vadamiota. Paźniej jon byŭ zatrymany i asudžany na 15 sutak.
Jak raspavioŭ Pieršamu rehijonu jaho baćka Alaksandr Ihnaciuk, Mikita paśla administracyjnaha aryštu byŭ zatrymany i znachodzicca ŭ izalatary na Akreścina, jak padazravany pavodle art. 342 č. 1 «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich».
«Učora, u druhoj pałovie dnia, byŭ pieršy dopyt śledčym u prysutnaści advakata. Mikita vinu nie pryznaje. U spravie jość jašče dva tłumačeńni Mikity, jakija byli ŭziatyja supracoŭnikami pravaachoŭnych orhanaŭ u ramkach papiaredniaj pravierki pa kryminalnaj spravie pa dadzienym artykule. Mikita pieršapačatkova vinu nie pryznavaŭ, pakazańni nie mianiaŭ. Hałoŭnym dokazam ździajśnieńnia Mikitam supraćpraŭnych dziejańniaŭ u materyjałach spravy, sa słoŭ advakata, źjaŭlajecca siužet na ANT, u jakim Mikitu abvinavacili ŭ «razukamplektavańni vadamiota». Mikita nazvaŭ hety siužet paklopam», — raskazaŭ A. Ihnaciuk
Mikita adbyŭ 15 sutak, jamu dadali jašče 15 sutak.
Alaksandr i Mikita Ihnaciuki
Zaraz Mikita znachodzicca ŭ IČU. Baćka źbiraje srodki na apłatu pasłuh advakata. Dla hetaha jon choča pradać viaskovy dom u vioscy Jastrabiel Stolinskaha rajona.
— Kožnaje pracesualnaje dziejańnie abychodzicca ŭ 300 rubloŭ advakatu, jak mnie skazali. Tam u vioscy ja — adziny žychar. Ličy, usiu viosku pradaju. Miesca tam dobraje, pobač voziera Čartoŭski vir — kaža Alaksandr.
Kali vy chočacie dapamahčy siamji Mikity, možacie pieraličyć srodki na bankaŭskuju kartu jaho siastry— 4177 5311 0866 4155 da 05/21 ANASTASIYA IHNATSIUK - abo źviarnucca pa pytańni kupli doma da jaho baćku pa numary +375 29 111 49 49.