Na NTV prahučaŭ ultymatum Łukašenku VIDEA
U efiry rasijskaha telekanała NTV u niadzielu, 18 kastryčnika, vyjšła prahrama «Itohi niedieli s Iradoj Ziejnałovoj». U prahramie zakranuli biełaruskuju tematyku — u efir vyjšaŭ siužet ab pratestach u Biełarusi, što nie spyniajucca.
A viadučaja prahramy Irada Ziejnałava žorstka prajšłasia pa biełaruskich uładach.
«Łukašenka pavinien zrazumieć, što nastupny tranš, jaki taksama pojdzie na apłatu daŭhoŭ, budzie vielmi mocna zaležać ad taho, jak jon vykanaje svaje abiacańni: i pa tranzicie naftapraduktaŭ praz našy party, i pa refierendumie pa Kanstytucyi, paśla jakoha pavinny prajści vybary», — skazała viadučaja.
Takaja rytoryka na rasijskim telebačańni moža być śviedčańniem cisku Kramla na aficyjny Minsk, kab biełaruskija ŭłady paśpiašalisia z palityčnymi reformami i, mahčyma, tranzitam ułady.
