U hrodzienskim kłubie zabaranili vykonvać karaokie «z palityčnym padtekstam». Takoje abmiežavańnie tam upieršyniu
19 kastryčnika ŭ siecivie źjaviłasia fota dakumienta, zhodna ź jakim u adnym z kafe Hrodna z 20 žniŭnia dyrektar zabaraniŭ vykonvać u karaokie «Pieriemien» Viktara Coja i «vykrykvać łozunhi z palityčnym padtekstam». Raniej padobnych zabaron u kłubie nie było, piša Hrodna.life.
Z 20 žniŭnia ŭ kafe-kłubie «Čiempi» zabaranili vykonvać papularnuju ciapier pieśniu Viktara Coja «Pieriemien» i pieśni sa «schavanym palityčnym padtekstam». Aceńvać najaŭnaść padtekstu musić administratar. Taksama nielha padčas vykanańnia vykrykvać łozunhi «z palityčnym padtekstam» — u takim vypadku pieśniu buduć spyniać. Nu, a kali łozunhi pačnuć vykrykvać usie hości i nie buduć supakojvacca — kiraŭnička prapanavała źviartacca pa dapamohu da pravaachoŭnikaŭ.
«My nie budziem kamientavać hetuju situacyju, usiaho dobraha», — skazała dyrektar Natalla Zabašnaja adrazu ž, jak tolki karespandent Hrodna.life nazvaŭ siabie, biez anijakaha pytańnia. Kamientar kiraŭnictva atrymać tak i nie ŭdałosia.
