Pamior viadomy baranavicki muzyka i kampazitar
Juryj Valmus pamior 25 krasavika 2024 hoda. Viadomy baranavicki kampazitar u apošni čas zmahaŭsia z ankałohijaj.
Juryj Valmus
Pra śmierć muzyki ŭ nacyjanalnych i miascovych ŚMI nie paviedamlałasia. Da hetaha času niama infarmacyi i na sajcie Biełaruskaha sajuza kampazitaraŭ, siabram jakoha Jury Valmus byŭ z 2004 hoda. Tolki na jaho staronkach u sacsietkach siabry i znajomyja raźmiaścili svaje spačuvańni. BAR24 infarmacyju pra śmierć słavutaha ziemlaka paćvierdzili jaho znajomyja.
Juryj Valmus naradziŭsia 8 červienia 1972 hoda ŭ Baranavičach. Paśla zakančeńnia muzyčnaj škoły, u 1988 hodzie pastupiŭ u Baranavickuju muzyčnuju vučelniu pa kłasie «skrypka. Paśla vučylišča, u 1992 hodzie, byŭ zaličany na kampazitarskaje adździaleńnie Biełaruskaj akademii muzyki ŭ kłas prafiesara Ja. A. Hlebava.
U 1997 hodzie, skončyŭšy akademiju muzyki, viarnuŭsia ŭ Baranavičy. Tady ž byŭ pryniaty ŭ siabry «Asacyjacyi sučasnaj muzyki» pry Sajuzie kampazitaraŭ Respubliki Biełaruś.
U 2004 hodzie staŭ členam Sajuza kampazitaraŭ Respubliki Biełaruś. Pracavaŭ vykładčykam u Baranavickim dziaržaŭnym muzyčnym kaledžy.
