Narviežski deputat vyłučyŭ Cichanoŭskuju, Kaleśnikavu i Capkała na Nobieleŭskuju premiju miru
Narviežski deputat ad chryścijanska-demakratyčnaj partyi Hiejr Toskiedał vyłučyŭ na suiskańnie Nobieleŭskaj premii miru 2021 hoda Śviatłanu Cichanoŭskuju, Maryju Kaleśnikavu i Vieraniku Capkała, jakija, pavodle jaho słoŭ, zasłužyli hetuju ŭznaharodu za «arhanizacyju mirnych pratestaŭ» suprać režymu Łukašenki, paviedamlaje vydańnie Vart Land.
Hiejr Toskiedał paviedamiŭ, što vyłučaje kandydatury biełaruskich lidaraŭ apazicyi «za ich baraćbu za spraviadlivyja vybary i za toje, što jany źjaŭlajucca natchnialnicami mirnych apazicyjnych pratestaŭ suprać nielehitymnaha režymu ŭ Biełarusi». Jon padkreśliŭ «fantastyčnuju mužnaść» udzielnikaŭ pratestaŭ i vykazaŭ nadzieju, što jaho prapanova pryciahnie «jašče bolš uvahi da mirnaj baraćby suprać apošniaha dyktatara Jeŭropy» i da tych, chto zmahajecca za «volnuju i demakratyčnuju Biełaruś».
