Pieršy enierhabłok Biełaruskaj AES hatovy na 98%, enierhietyčny pusk u pačatku listapada
Pra heta paviedamiŭ ministr enierhietyki Viktar Karankievič padčas Forumu raźvićcia elektramabilnaści E-Mobility 2020, piša BiełTA.
«Ciapier hatoŭnaść pieršaha enierhabłoka BiełAES aceńvajecca ŭ 98%. Užo praviedziena zahruzka śviežaha jadziernaha paliva ŭ aktyŭnuju zonu reaktara, vykanany hidravyprabavańni. Zaraz na zaviaršalnaj stadyi znachodzicca etap fizičnaha pusku, kali reaktarnaja ŭstanoŭka vyviedziena na minimalna kantralavany ŭzrovień mahutnaści.
Płanujem, što ŭžo ŭ pačatku listapada na pieršym enierhabłoku pačniecca enierhietyčny pusk, a heta ŭžo vytvorčaść pieršych kiłavat-hadzin z vydačaj ich u enierhasistemu krainy. Uvod enierhabłoka ŭ ekspłuatacyju płanujecca ŭ pieršym kvartale 2021 hoda», — skazaŭ Viktar Karankievič.
Budaŭniča-mantažnyja raboty na druhim enierhabłoku stancyi vykanany na 75%, pravodzicca indyvidualnaje aprabavańnie asnoŭnaha technałahičnaha abstalavańnia. Uvod błoka ŭ ekspłuatacyju zapłanavany na 2022 hod.
