Znak ab sustrečy z Łukašenkam u SIZA KDB: Heta nie byli pieramovy
Maksim Znak raspavioŭ svaim advakatam ab sustrečy z Alaksandram Łukašenkam u SIZA KDB. Pavodle jaho słoŭ, heta byli nie pieramovy, a abmien mierkavańniami, paviedamlaje Tut.by.
Advakaty Maksima Znaka — Dźmitryj Łajeŭski i Nadzieja Znak — naviedali jaho siońnia ŭ SIZA-1. TUT.BY pacikaviŭsia nakont udziełu Znaka ŭ sustrečy z Łukašenkam, pakazanaj u subotu pa dziaržkanale.
— Maksim prysutničaŭ na tym mierapryjemstvie, jakoje adbyłosia ŭ subotu. Heta nie byli pieramovy. Heta było vykazvańnie mierkavańniaŭ. Što tyčycca Maksima, to jon tam vykłaŭ svajo mierkavańnie pa pravavych pytańniach, jakoha jon zaŭsiody prytrymlivaŭsia. Niejki bolšy kamientar ab mierapryjemstvie byŭ by mahčymy z boku Maksima, kali b jon znachodziŭsia na voli, a nie ŭ źniavoleńni, — raspaviali advakaty.
Z navin: Maksim pieraviedzieny ŭ inšuju kamieru, umovy ŭ jakoj značna horšyja, čym byli raniej, a akramia taho, pahoršała situacyja ź pierapiskaj. Abarona praciahvaje ŭsimi sposabami asprečvać abvinavačvańnie i znachodžańnie Maksima Znaka pad vartaj.
