Rachmon nabraŭ na vybarach prezidenta Tadžykistana 90,9%. Jon kiruje krainaj 28 hadoŭ

Wikimedia Commons

Učora ŭ Tadžykistanie prajšli vybary prezidenta. Emamali Rachmon atrymaŭ 90,9% hałasoŭ. Jaŭka skłała 85,3%. Byli taksama čatyry «alternatyŭnyja kandydaty».

Rachmon kiruje Tadžykistanam z 1992 hoda, tady jon byŭ kiraŭnikom Viarchoŭnaha savieta. U listapadzie 1994-ha byŭ abrany prezidentam, tady za jaho prahałasavali 59%, a ŭ 1999-m uvohule nabraŭ 97,6%. Na vybarach 2013-ha hoda za jaho addali hałasy 83,9%.

U 2015-m Rachmonu byŭ prysvojeny pažyćciovy tytuł zasnavalnika miru i nacyjanalnaha adzinstva — Lidara Nacyi. A ŭ 2016 hodzie ŭ kanstytucyju krainy byli ŭniesienyja źmieny, jakija dazvalajuć jamu abiracca prezidentam nieabmiežavanuju kolkaść razoŭ.

0

0

0

0

0

0