Na piešachodnym pierachodzie pad Śmiłavičami ŭsiedarožnik naśmierć źbiŭ 12-hadovaha viełasipiedysta
Fota pres-słužba MUS
Zdareńnie adbyłosia kala 21:00 kala Śmiłavičaŭ (Červieński rajon) na trasie Minsk — Mahiloŭ, paviedamlaje MUS u svaim telehram-kanale.
42-hadovy kiroŭca Volvo XC-90 źbiŭ 12-hadovaha chłopčyka, jaki jechaŭ na rovary. Ad atrymanych traŭmaŭ dzicia pamierła na miescy. Chłopčyk razam z dvuma siabrami viartaŭsia ŭ pasiołak z susiedniaj vioski i pierajazdžaŭ trasu pa piešachodnym pierachodzie.
«Ziebra» nierehulujemaja i abstalavana vonkavym aśviatleńniem.
Milicyja zaklikaje kiroŭcaŭ vykonvać chutkasny režym i być uvažlivymi pry padjeździe da piešachodnych pierachodaŭ!
Viełasipiedystaŭ i piešachodaŭ zaklikajuć nie pierasiakać prajeznuju častku, nie pierakanaŭšysia ŭ biaśpiecy, a baćkoŭ razmaŭlać ź dziećmi na temu darožnaj biaśpieki.
