Čamu chłopiec raździety? MUS apublikavała videa dopytu 19-hadovaha žychara Uzdy
MUS apublikavała videa dopytu 19-hadovaha žychara Uzdy, jaki źniaŭ čyrvona-zialony ściah na minskim aŭtavakzale. Jaho ŭčynak trapiŭ na videakamieru, jaho zatrymali.
Čytajcie taksama: Mužčyna zabraŭ zaplečnik chłopca, jaki źniaŭ čyrvona-zialony ściah z aŭtavakzała. Pačałasia bojka VIDEA
Źviartaje na siabie ŭvahu toje, što na dopycie ci apytańni — na videa nie kankretyzujecca, što adbyvajecca — chłopiec raździety i ŭ naručnikach. «Naša Niva» skiravała pytańnie pres-słužbie MUS, čamu padazravany na videa raździety. My pakul nie atrymali adkazu.
Raniej byli śviedčańni ad inšych «palityčnych» źniavolenych pra toje, što ich raździavali ŭ miescach utrymańnia. Tak, «dydžej pieramien» Sakałoŭski śćviardžaŭ, što jaho na Akreścina niejki čas trymali ŭ kamiery ŭ adnych majtkach, zabrali vopratku. A Pavieł Sieviaryniec pieradaŭ svajoj žoncy, što jaho peŭny čas trymali biez abutku, što pryviało, pa jaje słovach, da zachvorvańnia sustavaŭ.
19-hadovy zatrymany patłumačyŭ svoj učynak reakcyjaj na źniaćcio nacyjanalnych ściahoŭ.
Raniej biełaruskija pravaabaroncy zajavili, što zafiksavali bolš za 500 vypadkaŭ, jakija padpadajuć pad paniaćcie «katavańni». Adpaviednyja materyjały jany pieradali ŭ mižnarodnyja struktury.