MUS Biełarusi i Rashvardyja damaŭlajucca ab supracoŭnictvie
Na rasijskim internet-partale pravavoj infarmacyi apublikavana rasparadžeńnie ŭrada Rasii ab padrychtoŭcy da pieramoŭ pamiž rasijskimi i biełaruskimi siłavikami-pravaachoŭnikami.
Jašče ŭ kancy žniŭnia prezident Rasii raspavioŭ ab damoŭlenaści ź biełaruskim bokam sfarmavać rezierv ź liku rasijskich pravaachoŭnikaŭ. Pavodle słoŭ Uładzimira Pucina, rezierv nie płanavali vykarystać, pakul «ekstremisckija elemienty, prykryvajučysia palityčnymi łozunhami, nie piarojduć peŭnych miežaŭ».
Miarkujecca, što na majučych adbycca pieramovach rasijskija i biełaruskija kalehi ŭ detalach abmiarkujuć usie baki ŭzajemadziejańnia. Samaje hałoŭnaje: u jakim vypadku treba prychodzić na dapamohu, jakimi siłami i ŭ jakija terminy, jakija buduć paŭnamoctvy rashvardziejcaŭ. Usie damoŭlenaści pavinny być aficyjna, na dziaržaŭnym uzroŭni, zadakumientavanyja, piša «Rośsijskaja hazieta».
