Na Ziamli pabity novy tempieraturny rekord
U vieraśni 2020 hoda tempieratura na pavierchni Ziamli była vyšejšaj, čym u luby inšaj vieraśnioŭski pieryjad za ŭsiu historyju nazirańniaŭ. Ab hetym paviedamlajecca ŭ pres-relizie prahramy manitorynhu Ziamli Jeŭrapiejskaha Sajuza Copernicus na partale Phys.org.
Daśledčyki vyśvietlili, što 2020 hodzie siarednija tempieratury ŭ studzieni, mai i vieraśni pabili rekordy. Pavodle źviestak navukoŭcaŭ, za ŭvieś 2020 hod u hetych miesiacach tempieratura adpaviadała miesiačnym značeńniam 2016 hoda. Mienavita 2016 hod źjaŭlajecca samym haračym u historyi. U časie daśledavańnia navukoŭcy vyśvietlili, što Ziamla nahrełasia na 1,3 hradusa pavodle Celsiju vyšej za daindustryjny ŭzrovień. Jany adznačyli, što taki pakazčyk blizki da značeńnia ŭ 1,5 hradusa, pry jakim mohuć pačacca surjoznyja nastupstvy z-za zanadta vysokaj tempieratury.
Rekordnyja tempieraturnyja značeńnia ŭ vieraśni byli ŭstalavanyja na poŭnačy Sibiry. Anamalnaja śpiakota była i na Blizkim Uschodzie. Pavodle infarmacyi navukoŭcaŭ, asabliva heta było prykmietna ŭ Turcyi, Izraili i Iardanii. Akramia taho, niazvykła haračaje nadvorje było ŭ Paŭnočnaj Afrycy, Tybiecie i Kalifornii.
Daśledniki adznačyli, što kožnaje dziesiacihodździe z kanca 1970-ch hadoŭ hłabalnyja tempieratury padymalisia na 0,2 hradusa.
