Piaskoŭ: Kantaktaŭ Pucina ź Cichanoŭskaj nie płanujecca
Fota z telehram-kanała Śviatłany Cichanoŭskaj
Pres-sakratar kiraŭnika Rasii Dźmitryj Piaskoŭ adkazaŭ na pytańnie, ci aznačajuć słovy Pucina, što Maskva «ŭ kantakcie z usimi ŭdzielnikami, z usimi bakami kanfliktu» ŭ Kyrhyzstanie, toje, što padobny kantakt mahčymy i z apazicyjaj u Biełarusi, piša TASS.
«Havorka idzie ab palityčnych partyjach u Kyrhyzstanie, jakija prymali ŭdzieł u vybarach, jakija ciapier źjaŭlajucca ŭdzielnikami palityčnaha łandšaftu ŭ Kyrhyzstanie i znachodziacca ŭ krainie. Spadarynia Cichanoŭskaja nie znachodzicca ŭ Biełarusi, naŭrad ci možna skazać, što jana niejak udzielničaje ŭ žyćci Biełarusi, — skazaŭ Piaskoŭ. —
Jakich-niebudź kantaktaŭ nie płanujecca».
Pradstaŭnik Kramla padkreśliŭ, što Cichanoŭskaja «znachodzicca na terytoryi Jeŭrasajuza, aktyŭna padarožničaje pa krainach, sustrakajecca z roznymi kiraŭnikami dziaržaŭ i ŭradaŭ, jakija ŭ svaju čarhu ličać nielehitymnym dziejučaha kiraŭnika Biełarusi — tam zusim inšaja situacyja».
