Ministr finansaŭ Niamieččyny nazvaŭ Śviatłanu Cichanoŭskuju advažnym zmaharom za svabodu
Fota z telehram-kanała Śviatłany Cichanoŭskaj
Siońnia Śviatłana Cichanoŭskaja, što znachodzicca ź vizitam u Bierlinie, sustrełasia ź vice-kancleram i ministram finansaŭ Niamieččyny Ołafam Šolcam, paviedamlaje jaje telehram-kanał.
Vice-kancler vykazaŭ svaju pavahu Śviatłanie i biełaruskamu narodu, jaki jana pradstaŭlaje: «Śviatłana Cichanoŭskaja — advažny zmahar za demakratyju i hramadzianskija pravy ŭ Biełarusi. Jana ŭnosić važny ŭkład u demakratyčnyja pieramieny ŭ svajoj krainie. Ciažkaje stanovišča pratestoŭcaŭ vyklikaje sum».
«ES — na baku ŭsich tych, chto choča pakłaści kaniec hvałtu ŭ Biełarusi, zmahajecca za vyzvaleńnie palityčnych źniavolenych i spraviadlivyja vybary. Alaksandr Łukašenka straciŭ usiakuju lehitymnaść», — dadaŭ Ołaf Šolc.
