Łukašenka pavinšavaŭ Pucina z dniom naradžeńnia, skazaŭšy, što šanuje jak nadziejnaha siabra Biełarusi
RT
Alaksandr Łukašenka pavinšavaŭ Uładzimira Pucina z dniom naradžeńnia. Siońnia Pucinu spaŭniajecca 68 hadoŭ.
«Unutranaja i źniešniaja palityka, jakaja pravodzicca pad vašym kiraŭnictvam i nakiravanaja na efiektyŭnaje sacyjalna-ekanamičnaje raźvićcio Rasii, pavyšeńnie jaje aŭtarytetu i ŭpłyvu ŭ śviecie, karystajecca šyrokaj i niesumniennaj padtrymkaj hramadzian. Jarkim paćviardžeńniem hetamu źjaŭlajucca vyniki vybaraŭ u adziny dzień hałasavańnia 13 vieraśnia 2020 hoda», — havorycca ŭ vinšavańni.
Alaksandr Łukašenka adznačyŭ, što vysoka šanuje Uładzimira Pucina jak nadziejnaha siabra Biełarusi i paśladoŭnaha prychilnika pašyreńnia intehracyjnych pracesaŭ na linii Sajuznaj dziaržavy, jakija ŭ poŭnaj miery adpaviadajuć namieram dvuch brackich narodaŭ sumiesnymi namahańniami budavać hodnuju budučyniu.
«Pierakanany, što adnosiny stratehičnaha partniorstva pamiž Biełaruśsiu i Rasijaj, u asnovie jakich lažać šmathadovyja tradycyi družby, salidarnaści i ŭzajemnaj padtrymki, buduć i nadalej efiektyŭna raźvivacca», — padkreśliŭ kiraŭnik dziaržavy.
