Chočam žyć u krainie, dzie kiraŭnik, naniaty narodam, nie nazyvaje jaho «narodcam» — VIDEAZVAROT rabotnikaŭ «Naftana»
Supracoŭniki «Naftana» zapisali videazvarot, u jakim vykazali staŭleńnie da palityčnych padziej u krainie, paviedamlaje tut.by.
— My chočam žyć u mirnaj, svabodnaj, niezaležnaj, kvitniejučaj krainie. U krainie, dzie vykonvajucca pravy i svabody čałavieka, dzie pracujuć zakony. Dzie adzinaj krynicaj ułady źjaŭlajecca narod. U krainie, dzie vola naroda źjaŭlajecca abaviazkovaj da vykanańnia, — kažuć rabotniki. — Dzie niezaležnaje nazirańnie na vybarach i adkryty i prazrysty padlik hałasoŭ źjaŭlajucca normaj. Dzie kiraŭnik, naniaty narodam, nie nazyvaje jaho «narodcam», «aviečkami», «pacukami». U krainie, dzie pravaachoŭnyja orhany nie źjaŭlajucca karnymi. U krainie, dzie nie katujuć ludziej u CIP i śledčych izalatarach. U krainie, dzie ŭ pryncypie nie katujuć ludziej. U krainie, dzie nie kalečać i nie zabivajuć ludziej na vulicach, u svaich dvarach za ich kanstytucyjnaje prava vykazvać svajo mierkavańnie, — kažuć rabotniki «Naftana».
Navapołacki «Naftan» — biudžetaŭtvaralnaje pradpryjemstva krainy.
