Хочам жыць у краіне, дзе кіраўнік, наняты народам, не называе яго «народцам» — ВІДЭАЗВАРОТ работнікаў «Нафтана»
Супрацоўнікі «Нафтана» запісалі відэазварот, у якім выказалі стаўленне да палітычных падзей у краіне, паведамляе tut.by.
— Мы хочам жыць у мірнай, свабоднай, незалежнай, квітнеючай краіне. У краіне, дзе выконваюцца правы і свабоды чалавека, дзе працуюць законы. Дзе адзінай крыніцай улады з'яўляецца народ. У краіне, дзе воля народа з'яўляецца абавязковай да выканання, — кажуць работнікі. — Дзе незалежнае назіранне на выбарах і адкрыты і празрысты падлік галасоў з'яўляюцца нормай. Дзе кіраўнік, наняты народам, не называе яго «народцам», «авечкамі», «пацукамі». У краіне, дзе праваахоўныя органы не з'яўляюцца карнымі. У краіне, дзе не катуюць людзей у ЦІП і следчых ізалятарах. У краіне, дзе ў прынцыпе не катуюць людзей. У краіне, дзе не калечаць і не забіваюць людзей на вуліцах, у сваіх дварах за іх канстытуцыйнае права выказваць сваё меркаванне, — кажуць работнікі «Нафтана».
Наваполацкі «Нафтан» — бюджэтаўтваральнае прадпрыемства краіны.
