«Z bolem u sercy. Ale ad kamientaroŭ ustrymajusia»: źbiehły ŭ Biełaruś Bakijeŭ prakamientavaŭ padziei ŭ Kyrhyzstanie
Bakijeŭ u Minsku padčas prezientacyi svajoj knihi 22 kastryčnika 2015 hoda, fota Siarhieja Zinina
«Ja z bolem u sercy ŭsprymaju ŭsio, što adbyvajecca ciapier u maim rodnym Kyrhyzstanie», — skazaŭ Bakijeŭ «RIA Naviny».
Na prośbu acanić palityčnuju situacyju ŭ krainie jon adkazaŭ: «Uličvajučy, što lubyja maje słovy mohuć być vykarystany destruktyŭnymi siłami dla raspalvańnia kanfliktu, ja ŭstrymajusia ad kamientaroŭ u hety momant».
U paniadziełak u Biškieku ŭspychnuli pratesty: ludzi byli niezadavolenyja vynikami parłamienckich vybaraŭ. U vyniku jany ŭvarvalisia ŭ budynak Biełaha doma, dzie znachodziacca parłamient i administracyja prezident. Potym pajšli ŭ Kamitet nacyjanalnaj biaśpieki i vyzvalili z-pad varty eks-prezidenta Ałmaźbieka Atambajeva, a ranicaj u aŭtorak zachapili budynak urada.
Kurmanbiek Bakijeŭ byŭ adchileny ad ułady ŭ krasaviku 2010 hoda i źbieh u Biełaruś. Kyrhyzskija ŚMI śćviardžajuć, što dziejny prezident Saaranbaj Žeejenbiekaŭ krainu pakul nie pakidaŭ.
