Cichanoŭskaja: Chaču sustrecca z Pucinym, kab zrazumieć, čamu jon padtrymlivaje Łukašenku
Śviatłana Cichanoŭskaja sustrełasia z pradstaŭnikami biełaruskaj dyjaspary ŭ Bierlinie. Sustreča adbyłasia ŭ halerei mastactvaŭ, dzie ciapier prachodzić vystava palityčnaha płakata i instalacyj na temu pratestaŭ u Biełarusi. Razmova išła pra rolu žančyn u novaj Biełarusi, advahu i kreatyŭnaść biełarusaŭ, jakija raskrylisia padčas masavych akcyj.
Na pytańnie, z kim Śviatłana chacieła b sustrecca jak palityk, jana adkazała: «Z Uładzimiram Pucinym — kab zrazumieć, čamu jon padtrymlivaje Łukašenku». Na pytańnie, z kim Śviatłana choča ŭbačycca nie jak palityk, jana adkazała: «Ź Siarhiejem Cichanoŭskim».
Śviatłana jašče raz padkreśliła, što choča, kab usie, chto vymušana pakinuli Biełaruś, chutčej viarnulisia dadomu. I jana ździajśniaje takija vizity mienavita dziela zapusku pieramoŭ ab novych vybarach: «Ja z prostych ludziej. Paviercie mnie, ja viedaju, chto ja i čamu ja tut. Ja tut dziakujučy biełaruskamu narodu. Ja siarod vas, i ja adna z vas».
