Cichanoŭskaja pryznačyła pradstaŭnikoŭ pa kanstytucyjnaj reformie i pa spravach moładzi
Ałana Hiebremaryjam. Fota z telehrama Śviatłany Cichanoŭskaj
Śviatłana Cichanoŭskaja zajaviła, što padtrymlivaje pracu hramadskaj Kanstytucyjnaj kamisii, jakaja zajmajecca raspracoŭkaj prajekta źmianieńniaŭ i dapaŭnieńniaŭ da Kanstytucyi 1994 hoda, paviedamlajecca ŭ jaje telehram-kanale.
Staršynioj kamisii źjaŭlajecca Miečysłaŭ Hryb, a kaardynuje jaje pracu Anatol Labiedźka.
Miečysłaŭ Hryb — zasłužany juryst RB, staršynia Viarchoŭnaha Savieta XII sklikańnia. Anatol Labiedźka — deputat Viarchoŭnaha Savieta XII i XIII sklikańniaŭ, kiraŭnik Centra «Jeŭrapiejski dyjałoh».
Pradstaŭnikom pa spravach moładzi i studentaŭ stała Ałana Hiebremaryjam — aktyvistka «Moładzievaha błoka», člen asnoŭnaha składu Kaardynacyjnaj rady.
Raniej Cichanoŭskaja abviaściła jurysta i pravaabaroncu Hary Pahaniajła pradstaŭnikom pa pravach čałavieka, a ekanamista Alesia Alachnoviča — pradstaŭnikom pa ekanamičnych reformach.
Taksama Cichanoŭskaja pryznačyła dvuch pamočnikaŭ. Staršym palityčnym daradcam jana pryznačyła Alaksandra Dabravolskaha — sjabra Palitrady AHP, dyrektara Uschodniejeŭrapiejskaj škoły palityčnych daśledavańniaŭ.
Daradcam pa mižnarodnych adnosinach staŭ Franak Viačorka — analityk Atłantyčnaha savieta, vice-prezident Digital Communication Network.
