Heta kraina śvietu zajaviła pra pieramohu nad druhoj chvalaj karanavirusa
flickr.com
Premjer-ministr Novaj Ziełandyi Džasinda Ardern abviaściła pra pasłableńnie karancinu ŭ najbujniejšym horadzie krainy Oklend — paśla hetaha stała zrazumieła, što kraina całkam spraviłasia z druhoj uspyškaj karanavirusa. Pra heta paviedamlaje Axios.
«Žychary Oklenda i Novaj Ziełandyi prytrymlivalisia płana, jaki spracavaŭ dvojčy, i znoŭ pieramahli hety virus», — adznačyła kiraŭnik urada.
Jana pavinšavała žycharoŭ Oklenda sa skančeńniem druhoha karancinu, jaki ŭvodziŭsia ŭ žniŭni.
Adznačajecca, što ciapier tam dazvolać praviadzieńnie masavych mierapryjemstvaŭ.
Pry hetym Ardern zaklikała nasielnictva nie hublać pilnaść, niahledziačy na toje, što raspaŭsiudžvańnie karanavirusa znachodzicca pad kantrolem.
U žniŭni kiraŭnik Suśvietnaj arhanizacyi achovy zdaroŭja Tedras Adanam Hiebreisus nazvaŭ Novuju Ziełandyju prykładam dla ŭsiaho śvietu, vydzieliŭšy starańni miascovaha ŭrada.
Novaja Ziełandyja była pieršaj krainaj u śviecie, što ŭ krasaviku 2020 hoda zajaviła pra pieramohu nad karanavirusam. Jana ŭviała strohija abmiežavalnyja miery ŭ samym pačatku epidemii. U pačatku červienia tam byŭ vylečany apošni chvory dla pieršaj chvali. Tady ahulnaja kolkaść infikavanych u krainie skłała 1 504 čałavieki, pamierli 22. Testavańnie na najaŭnaść karanavirusa prajšli 295 tys. čałaviek. Nasielnictva krainy składaje 4,88 młn, h.zn. u dva razy mieniej čym u Biełarusi.
Druhaja chvala startavała ŭ pačatku žniŭnia. Za hety čas zachvareli 351 čałaviek, najbolš — 14 za adzin dzień (1 vieraśnia), siońnia zafiksavany 1 novy vypadak. Pamierli padčas druhoj chvali 3 čałavieki. Na siońnia ŭ krainie chvarejuć 40 čałaviek.
