U Homieli milicyja pryjšli da aktyvista Dzianisa Kobrusieva. Jon zatrymany, a technika kanfiskavanaja

U Homieli zatrymali miascovaha aktyvista i ekołaha Dzianisa Kobrusieva. U jaho domie prajšoŭ pieratrus, techniku kanfiskavali, a Dzianisa zabrali ŭ RAUS. Pra heta TUT.BY paviedamiła jaho žonka Śviatłana.

— Kala hadziny dnia muž patelefanavaŭ, kab ja viartałasia terminova ź dziciem dadomu: maŭlaŭ pryjšli ź pieratrusam. Doma byli supracoŭniki milicyi, amapaviec i niejkija ludzi ŭ cyvilnym. Jany zabrali ŭsiu techniku. A muža pavieźli ŭ Centralny RAUS.

Pa słovach Śviatłany, muža zabrali «za zakliki ŭ telehram-kanale da praviadzieńnia ŭ Homieli niesankcyjanavanych masavych mierapryjemstvaŭ».

Viadoma taksama, što Kobrusieŭ uvachodziŭ u skład Homielskaj kaardynacyjnaj rady, dziejnaść jakoj ciapier prypynienaja.

0

0

0

0

0

0