MUS: U niadzielnaj akcyi pratestu ŭziali ŭdzieł 10 tysiač čałaviek
Fota Darji Burakinaj
Pres-słužba MUS u svaim telehram-kanale apublikavała pres-reliz nakont akcyj pratestu, što prajšli ŭ haradach Biełarusi 4 kastryčnika.
Paviedamlajecca, što pa krainie zafiksavana 10 pratesnych akcyj. Va ŭsich abłasnych centrach, za vyklučeńniem stalicy, jany byli niešmatlikija (ad 20 da 100 čałaviek).
U Minsku ahulnaja kolkaść udzielnikaŭ skłała kala 10 tysiač čałaviek.
U dačynieńni da «ahresiŭna nastrojenych hramadzian, jakija ŭ parušeńnie PDR vychodzili na prajeznuju častku i błakavali ruch transpartu, užyvalisia vadamioty». U Viciebsku dla adciaśnieńnia natoŭpu, jaki sprabavała adbić zatrymanaha, a ŭ Hrodnie dla zatrymańnia pjanaha pratestoŭca, jaki akazaŭ niepadparadkavańnie milicyjantam, užyvaŭsia haz, paviedamlaje MUS.
Ahułam byli zatrymanyja 317 čałaviek. Da razhladu ŭ sudzie spraŭ pa administracyjnych pravaparušeńniach u miescy ŭtrymańnia zatrymanych źmieščanyja 258 čałaviek.
