MZS: Našy «prapanovy» litoŭskim dypłamatam — zahad
Prapanovy Ministerstva zamiežnych spraŭ Biełarusi pa skaračeńni dyppiersanału ŭ pasolstvach Litvy i Polščy abaviazkovyja da vykanańnia. Pra heta zajaviŭ pres-saktarar MZS Anatol Hłaz u kamientary BiełTA.
Anatol Hłaz, fota Vadzima Zamiroŭskaha
«Nie viedaju, moža, u siłu taho, što Linas Linkiavičus (ministr zamiežnych spraŭ Litvy) užo daŭno z hałavoj syšoŭ u palityku, niekatoryja dypłamatyčnyja abaroty i terminy ŭžo pryzabylisia. Rastłumačyć ich značeńnie nam zusim nie składana. Zroblenyja nami prapanovy znachodziacca vyklučna ŭ płoskaści suvierennych pravoŭ Biełarusi, i nichto ich nie abaviazany dy i, ułasna, nie źbiraŭsia abmiarkoŭvać ź litoŭskim bokam. Kali adyści ad dypłamatyčnaj kazuistyki, to heta značyć, što takija prapanovy abaviazkovyja dla vykanańnia MZS Litvy», — adznačyŭ Hłaz.
