Novaja taktyka siłavikoŭ: maci ź niepaŭnaletnimi dziećmi siadziać pa šeść dzion u čakańni suda
Žanočy marš. Fota Nadziei Bužan
Biełaruskaja pravaprymianialnaja praktyka ciapier vykarystoŭvaje novuju schiemu ŭtrymańnia ludziej za kratami.
Pavodle zakanadaŭstva, luby demanstrant moža być zatrymany na 72 hadziny (troje sutak) da taho, jak projdzie sud. Kali jamu daduć štraf, to jaho vypuskajuć, kali vypisvajuć sutki, to pakidajuć u izalatary.
Ale žančynam (i adzinokim mužčynam), u jakich jość niepaŭnaletnija dzieci, nie mohuć dać sutki, ich abaviazanyja vypuścić paśla suda.
Tamu voś što prydumali siłaviki. Jany składajuć na žančynu dva pratakoły. Spačatku jana siadzić troje sutak pa pieršym. Adbyvajecca sud, jaki prysudžaje štraf.
Ale adrazu paśla hetaha žančynam prynosiać druhi pratakoł — i prapanujuć pačakać novaha suda jašče troje sutak.
Z takoj situacyjaj sutyknułasia žurnalistyka «Biełsata» Maryja Hryc, ciapier padobnuju schiemu vykarystali i ŭ Žodzinie.
Čytajcie: Zatrymanych maci ŭ Žodzinie vypuścili z suda i znoŭ zatrymali
