Kreml pazityŭna acaniŭ adsutnaść Łukašenki ŭ pakiecie ES
Kreml miarkuje, što adsutnaść u novym sankcyjnym śpisie JeC Alaksandra Łukašenki źjaŭlajecca «chutčej pazityŭnym» sihnałam, ale ahułam da sankcyj stavicca vielmi niehatyŭna, piša TASS.
«Biezumoŭna, chutčej pazityŭna», — skazaŭ pres-sakratar prezidenta RF Dźmitryj Piaskoŭ u piatnicu žurnalistam, kamientujučy nieŭklučeńnie Łukašenki ŭ sankcyjny śpis ES. Pry hetym jon padkreśliŭ: «My ŭ cełym stavimsia vielmi i vielmi niehatyŭna da sankcyjnaj palityki». «U lubym vypadku heta chutčej prajava słabaści, čym siły», — rastłumačyŭ jon.
«Viadoma, traplańnie ŭ niejkija sankcyjnyja śpisy vyšejšaha kiraŭnictva krainy abo kiraŭnika dziaržavy aznačała b prosta vyklučeńnie lubych mahčymaściaŭ, lubych kantaktaŭ z hetaj krainaj, biezumoŭna, heta pazbaviła b ES mahčymaści padtrymlivać dyjałoh ź Biełaruśsiu, u tym liku i ŭ intaresach abmierkavańnia tych tem, jakija cikaviać abodva baki», — adznačyŭ pradstaŭnik Kramla. Jon paŭtaryŭ, što Kreml «chutčej pazityŭna stavicca da nieŭklučeńnia Łukašenki ŭ pakiet sankcyj». «Ale kali kazać u cełym, to, viadoma, my niehatyŭna stavimsia da sankcyjnych prajaŭ», — adznačyŭ Piaskoŭ.