Minabarony Armienii paviedamiła ab źbitym viertalocie Azierbajdžana
Siły samaabarony niepryznanaj Nahorna-Karabachskaj Respubliki źbili vajenny viertalot armii Azierbajdžana, paviedamlaje RBK sa spasyłkaj na Ministerstva abarony Armienii.
Viertalot upaŭ na terytoryi Irana pablizu miažy. Armianski bok sa škadavańniem adznačaje, što heta adbyłosia nienaŭmysna i takija vypadki niepaźbiežnyja, pakolki bajavyja dziejańni prachodziać «zusim blizka da miažy ź Isłamskaj Respublikaj».
Paćvierdžańnia abo abviaržeńnia hetaj infarmacyi z azierbajdžanskaj boku nie pastupała.
U svaju čarhu ŭłady Azierbajdžana paviedamili ab hibieli 16 mirnych žycharoŭ pry abstrele, jašče 55 paciarpieli.
«U vyniku ciažkaha artyleryjskaha abstrełu azierbajdžanskich hustanasielenych rajonaŭ špitalizavanyja 55 mirnych žycharoŭ, 16 čałaviek zahinuli», — havorycca ŭ paviedamleńni Hienprakuratury Azierbajdžana.
Taksama ŭ viedamstvie śćviardžajuć, što armianskija vajskoŭcy praciahvajuć «padviarhać intensiŭnym artyleryjskim abstrełam» rehijanalnyja i sielskija centry, balnicy, škoły, dziciačyja sady, a taksama dziaržaŭnyja administracyjnyja budynki. Pavodle źviestak Hienprakuratury, u vyniku abstrełaŭ surjozna paciarpieli 163 damy, a taksama 36 hramadzianskich abjektaŭ.
