Pamočnik Łukašenki acaniŭ ahulnuju škodu ad pratestaŭ u miljardy dalaraŭ
«Straty ad pratestnych akcyj — heta nie tyja 500 tys. biełaruskich rubloŭ, jakija zatračany na adnaŭleńnie kvietnikaŭ i hazonaŭ. Biahučy ŭron užo skłaŭ nie mienš za $ 500 młn. Adterminavany vyličajecca miljardami», — śćviardžaje Bielski ŭ artykule, apublikavanym na sajcie BiełTA.
Pa słovach pamočnika Łukašenki, asnoŭnaj pahrozaj źjaŭlajucca zabastoŭki na pramysłovych pradpryjemstvach, jakija zabiaśpiečvajuć Biełarusi dachody ad ekspartu pradukcyi za miažu.
«Spynieńnie vytvorčaści eksparcioraŭ — heta niepraparcyjny pa sile ŭdar pa ciapierašnim i budučym dachodach. <…> Heta sihnał pakupnikam, što kantrakty mohuć być sarvanyja i lepš pašukać bolš nadziejnaha pastaŭščyka. <…> Parušanyja asnovy stvaranaj hadami sistemy zamiežnaha kredytavańnia, paciarpieła inviestycyjnaja pryvabnaść krainy », - pieraličvaje Bielski.
Pavodle jaho słoŭ, mnohija ź ciapierašnich udzielnikaŭ pratestaŭ dobra razumiejuć pahrozu, jakuju ich dziejańni stvarajuć dla ekanomiki, a tamu «prosta ź mitynhaŭ nakiroŭvajucca ŭ abmieńniki», kab «zastrachavać svaje źbieražeńni i zarobak».
