Vučony: Antycieły da karanavirusa pieradajucca dzieciam praz hrudnoje małako
Antycieły da karanavirusa, jakija jość u pierachvarełaj žančyny, pieradajucca niemaŭlaci praz hrudnoje małako, adnak ich nie zaŭsiody dastatkova dla poŭnaj abarony jaho arhanizma. Pra heta paviedamiła tass.ru kiraŭnica adździeła kliničnych daśledavańniaŭ CNDI epidemijałohii Rasspažyŭnahlada Taćciana Ružancova.
«My dobra viedajem, što adna z asnoŭnych pieravah hrudnoha hadavańnia — heta traplańnie ŭ arhanizm dziciaci imunahłabulinaŭ maci, jakija abaraniajuć ad infiekcyj. Źmieściva straŭnika i dvanaccacipiersnaj kiški ŭ niemaŭlat nie nastolki ahresiŭnaje, jak u darosłych: kisłotnaść istotna nižejšaja, fiermientaŭ mienš, tamu antycieły nie źniščajucca, a traplajuć u arhanizm małoha. Kali ŭ mamy jość imunitet, to jana pieradaje jaho dziciaci. Adnak hetaj abarony daloka nie zaŭsiody chapaje, asabliva kali ŭ pamiaškańni znachodziacca chvoryja, jakija kašlajuć i čchajuć», — skazała jana.
Tamu nie varta brać niemaŭlataŭ z saboj u handlovyja centry, kaviarni i miescy, dzie jość vialikaja kolkaść ludziej i ryzyka kantaktu ź infikavanymi.
Raniej byli apublikavanyja daśledavańni kitajskich i amierykanskich navukoŭcaŭ, u jakich havaryłasia pra vyjaŭleńnie antyciełaŭ da karanavirusa ŭ hrudnym małace pierachvarełych infiekcyjaj žančyn.
