«Halijafy» prapanujuć: antykryzisnyja źnižki na cikavyja knižki
Kniharnia «Halijafy» zapuściła antykryzisnyja źnižki i spadziajecca, što ceny na knihi pryjemna ździviać čytačoŭ.
Volha Hapiejeva. Kemeł-Treveł
Navatarski raman Volhi Hapiejevaj «Kemeł-Treveł» apisvaje suśviet, dzie suisnavali niekalki rečaisnaściaŭ, himnaŭ, stalicaŭ, identyčnaściaŭ. Na hetym fonie razhortvajucca pieršyja žyćciovyja pryhody hałoŭnaj hieraini, jakaja dalokaja ad idealizacyi byłych časoŭ, ad nastalhii. Hety raman — historyja čałaviečaj krochkaści i davieru ŭ epochu žudy i deficytu nie tolki praduktaŭ, ale i pačućciaŭ.
Sioleta paetyčnaja kniha Volhi Hapiejevaj «Čornyja maki» trapiła ŭ karotki śpis premii Natalli Arsieńnievaj.
Viera Burłak. Fantaziurki
Što śpiavajuć roznyja mašyny? Adkul biarucca i kudy źnikajuć začaravanyja domiki? Jakija padziei razhortvajucca ŭ łužynach? Amataram pafantaziravać, małym i vialikim, — novaja knižka vieršaŭ Viery Burłak.
Kniha atrymała Premiju Ciotki jak najlepšaja kniha hoda dla dziaciej i padletkaŭ.
Śviatłana Aŭdziejčyk. Kniha zdolnych. Spadkajemy Sakruma 1
Z adnaho boku mistyčny Kraj, a z druhoha — Biaźmiežnaje mora. Praz što ciarpiać pakarańnie žychary Łarbora, akazaŭšysia ŭ izalacyi? Čamu kraina, jakaja naležała zdolnym, ciapier u rukach niazdaraŭ-zachopnikaŭ i pačvarnych pronhaŭ? Navošta varahujuć navučency dźviuch škoł, u jakich dzieci zdolnych spaścihajuć bajavoje mastacta prodkaŭ? I, narešcie, samaje hałoŭnaje pytańnie — što takoje Sakrum, jaki maryć atrymać kožny?
Roj — navučeniec Akviły, pastupova robić kroki da razhadki hetaj tajamnicy, ale ŭsie viedajuć, što Sakrum sam abiare sabie haspadara, i šerah padziej, jaki pryviadzie da hetaha ŭžo zapuściŭsia.
Dla dziaciej siaredniaha i starejšaha školnaha vieku.
Michael Kiolmajer. Dziaŭčynka z naparstkam
Hałodnaja hierainia prychodzić u kramu. Jana nie razumieje ničoha z taho, što joj kažuć, ale na słovie «palicyja» pačynaje kryčać. Chto jana i adkul? Jak zaviecca? «Jica», — kaža jana, choć viedaje, što Jica — heta nie imia. Paźniej u prytułku jana sustrenie dvuch chłapčukoŭ: Šamchan z Aryjanam takija ž ničyjnyja dzieci, jak i jana sama. Razam jany vypraviacca šukać sabie miesca ŭ nieviadomym horadzie.
U centry ŭvahi Michaela Kiolmajera takija bazavyja temy, jak cialesnaść, mova, poviazi miž ludźmi. «Dziaŭčynka z naparstkam» — heta apovied nie tolki pra žyćcio na zadvorkach hramadstva, ale i pra čałaviečaje byćcio naahuł.
Pierakład ź niamieckaj Iryny Hierasimovič.
Eryk Karł. Vielmi hałodny vusień
Heta dziciačaja knižka z malunkami amierykanskaha piśmieńnika Eryka Karła. Tekst knihi ŭjaŭlaje saboj historyju vusienia pierad jaho pieratvareńniem u matylka. Kniha na kardonnych listach, jarkaja asablivaść — najaŭnaść dzirak u kardonie («prajedzienych» vusieniem).
Ahulny nakład aryhinalnaj knihi skłaŭ bolš za 30 miljonaŭ asobnikaŭ, jana stała adnoj z samych pradavanych u historyi. Kniha atrymała vielizarnuju papularnaść u anhłamoŭnym śviecie, zavajavała šmat uznaharod i była pierakładzienaja bolš čym na 50 moŭ, jana pastajanna fihuruje ŭ śpisach najlepšych dziciačych knih abo najlepšych knih na anhlijskaj movie.
U biełaruskim pierakładzie kniha vyjšła ŭ 2019 hodzie, praz 50 hod paśla pieršaha vydańnia aryhinału.
Dla daškolnaha vieku. Pierakład z anhlijskaj movy Taćciany Žaŭniarovič.
Franc Siŭko, Jury Stankievič. Dyjałoh
Hetaje vydańnie — svojeasablivaja antałohija tvoraŭ, abjadnanych suhučnaściu aŭtarskich pohladaŭ na źjavy hramadskaha i kulturnaha žyćcia Biełarusi savieckaha času i tak zvanaha pierachodnaha pieryjadu. Apovieść Franca Siŭko «Udoh» i raman Juryja Stankieviča «Lubić noč — prava pacukoŭ» majuć jak haračych prychilnikaŭ, tak i niepryjacielaŭ, što z ulikam nadzionnaści tem i varyjantnaści ich interpretacyj całkam zrazumieła. Tvory, napisanyja na miažy XX—XXI st. i źmieščanyja ŭ knizie zhodna z chranałohijaj adlustravanych u ich padziej, i praz dvaccać hod paśla pieršaha źjaŭleńnia ŭ druku nie stracili aktualnaści i buduć cikavyja masavamu čytaču.
U novym vydańni źmieščanaja hutarka Juryja Stankieviča i Franca Siŭko.
Elžbieta Inieŭska. Fierdynand Ruščyc. Hramadzianin Niezaležnaj
Sioleta spaŭniajecca 150 hadoŭ z dnia naradžeńnia Fierdynanda Ruščyca.
Fierdynanda Ruščyca — mastaka-žyvapisca viedajuć, napeŭna, usie. Niadziŭna, što jaho vobrazy, jakija charaktaryzujucca bieśpierapynnaj evalucyjaj stylu i temy, i siońnia pryciahvajuć uvahu mnostva zacikaŭlenych amataraŭ. Adnak mała chto viedaje, što Ruščyc taksama byŭ vydatnym scenohrafam, hrafičnym dyzajnieram, hramadskim aktyvistam.
Usie knihi vydaviectva «Halijafy» možna nabyć u kramie (vuł. Niamiha, 3, cokalny pavierch, boks 47) albo praź internet-kramu. Ažyćciaŭlajecca paštovaja pierasyłka.
