Biełarusy stali čaściej płacić u internecie. Bank skłaŭ rejtynh apieracyj
Biełarusy za apošnija miesiacy stali čaściej karystacca mabilnym i internet-bankam. Samyja papularnyja apieracyi — pahašeńnie kredytu, advolnyja płaciažy i papaŭnieńnie karty. Śpiecyjalisty Priorbanka praanalizavali danyja pa svaich klijentach i raspaviali pra tendencyi ŭ śfiery elektronnaha bankinhu.
Papularnaść anłajn-płaciažoŭ pačała raści ŭ kancy lutaha, kali klijenty stali vybirać dystancyjnaje absłuhoŭvańnie ŭ banku zamiest zvykłaha pachodu ŭ adździaleńnie. U pryvatnaści, u krasaviku ahulnaja suma apieracyj praź internet-bank pavysiłasia bolš čym na 7% u paraŭnańni ź lutym. Vyrasła jak kolkaść apieracyj, tak i siaredni ček.
Što važna, pavialičyłasia kolkaść biełarusaŭ, jakija addajuć pieravahu płacić sa smartfona. Tak, kolkaść karystalnikaŭ mabilnaha banka za pieryjad z 1 lutaha pa 1 maja vyrasła bolš čym na 12%.
U Priorbanku taksama skłali rejtynh najbolš papularnych apieracyj u mabilnym i internet-banku. Pieršyja miescy zajmajuć pahašeńnie kredytu i advolnyja płaciažy, kali dla apłaty tavaru ci pasłuhi treba paznačyć UNP, raźlikovy rachunak atrymalnika i kod jaho banka. Mnohija papaŭniajuć bałansy svaich kartak, viaduć raźliki za mabilnuju suviaź i internet. Papularnym taksama stała apłačvać ŭ anłajnie kamunalnyja płaciažy, elektraenierhiju i haz.
U banku adznačajuć, što ździajśniać pieravody, płaciažy i inšyja dziejańni praź internet-bank zvyčajna značna bolš biaśpiečna. Usie apieracyi maksimalna abaronienyja, a ŭ vypadku straty kartki možna adrazu zabłakavać rachunak. I paźniej razbłakavać, kali jana znojdziecca.
Kab ničoha nie zabycca, śpiecyjalisty rekamiendujuć karystacca aŭtaapłataj: vybrać płaciež, pakazać sumu i pieryjadyčnaść raźlikaŭ. Patrebnaja suma śpišacca ŭ internet-banku aŭtamatyčna.
