«Akademkniha» prapanuje: vydańni pa historyi rodnaha kraju
Kniharnia «Akademičnaja kniha» (pr. Niezaležnaści, 72).
Mikałaj Pivavar. Siadziby Viciebščyny: daviednik
U daviedniku padajucca źviestki pra historyju, architekturu, sučasny stan siadzib Viciebskaj vobłaści. Padajucca źviestki pra ŭładalnikaŭ, architektaraŭ, karotki histaryčny ekskurs, raskryvajucca asnoŭnyja tendencyi raźvićcia siadzib u XVIII-XX stst.
Kniha budzie karysnaja supracoŭnikam adździełaŭ kultury, sportu i turyzmu rajvykankamaŭ, turystyčnych firm, architektaram, nastaŭnikam historyi, arhanizataram vychavaŭčaj raboty ŭ navučalnych ustanovach, krajaznaŭcam, navučencam i ŭsim tym, chto cikavicca historyjaj i kulturaj Biełarusi.
Štefan Rodevald. «Pra Połackuju Vieniecyju»
Kalektyŭnyja dziejańni sacyjalnych hrup horada pamiž Uschodniaj i Centralnaj Jeŭropaj (Siaredniaviečča, rańni Novy čas, XIX st. — da 1914 h.)
Pierakład ź niamieckaj — M. Patocki, S. Paŭłavicki, H. Skakun; navuk. red. H. Sahanovič.
Daśledavańnie viadomaha šviejcarskaha historyka pryśviečana tysiačahadovaj historyi Połacka, jakaja razhladajecca ŭ šyrokim kantekście Centralna-Uschodniaj Jeŭropy. U centry jaho ŭvahi formy sacyjalnaj arhanizacyi i kalektyŭnych dziejańniaŭ žycharoŭ šmatetničnaha i polikanfiesijnaha horada, pieraŭtvareńni i źjavy doŭhaha tryvańnia ŭ žyćci połackaha hramadstva ŭ roznyja epochi i pieryjady jaho minułaha.
Piatro Łysienka. Materyjalnaja kultura haradoŭ Turaŭskaj zjamłi (Ch-ChIII stst.).
Manahrafija abahulniaje materyjały pa ekanamičnym raźvićci samych staražytnych haradoŭ Turaŭskaj ziamli ŭ Ch-CHI stst., vyjaŭlenyja archieałahičnymi daśledavańniami centralnaj i paŭdniovaj Biełarusi (Turaŭ, Pinsk, Biareście, Davyd-Haradok, Kleck, Słuck, Rahačoŭ, Mazyr). Šmathadovyja daśledavańni šyrokaj płoščaj stvaryli novuju pierakanaŭčuju bazu dla vysokaj acenki ŭzroŭniu ekanamičnaha raźvićcia paŭdniovych i centralnych rajonaŭ sučasnaj Biełarusi, jakaja stała asnovaj palityčnaha, sacyjalnaha i kulturnaha raźvićcia Turaŭskaj ziamli.
Prahułki pa histaryčnym centry Połacka. Albom
Na biełaruskaj i ruskaj movach.
Leanid Łaŭreš. Špacyry pa staroj Lidzie
U knizie na asnovie archiŭnaj infarmacyi, prac historykaŭ, miemuaraŭ lidzian i artykułaŭ starych haziet, praź los lidskich vulic, budynkaŭ i žycharoŭ horada raskazvajecca historyja staražytnaha horada Lida.
Kniha napisana jak sieryja vandrovak pa staroj Lidzie. Karystajučysia joju i padadzienymi kaardynatami, možna samastojna vyvučać historyju hetaha staroha paviatovaha centra Biełarusi.
Kniha budzie cikavaj žycharam Lidčyny, ekskursavodam i haściam horada, a taksama ŭsim čytačam, nieabyjakavym da biełaruskaj minuŭščyny.
Kreva: historyja, archieałohija, kulturnaja spadčyna
U zborniku navukovych artykułaŭ źmieščanyja materyjały, što tyčacca prablem bałta-słavianskich kantaktaŭ, historyi Kreŭskaha zamka i miastečka ŭ pieryjad poźniaha Siaredniaviečča i rańniaha Novaha času, padziej Pieršaj suśvietnaj vajny ŭ Krevie, historyi miastečka ŭ mižvajenny pieryjad; asobna pradstaŭlenyja materyjały, źviazanyja z kniaziem Daŭmontam.
Vydańnie raźličana na navukoŭcaŭ i krajaznaŭcaŭ. Budzie karysnym navučencam i ŭsim, chto cikavicca historyka-kulturnaj spadčynaj našaj krainy.
Siarhiej Čyhryn. Ciapło Žyrovickaj śviatyni
Štohod 20 maja ŭ vioscy Žyrovičy Słonimskaha rajona adznačajecca śviata Žyrovickaj ikony Božaj Maci. Piacisothadovaja historyja Žyrovickaj śviatyni pačałasia ŭ toj dzień, kali, pavodle lehiendy, u dalokim XV stahodździ chłopčyki-pastuški ŭbačyli na dzikaj hrušy jarkaje źziańnie nievialičkaj ikonki. Što zdaryłasia dalej, čytač daviedajecca ŭ adpaviednych narysach knihi. Dahetul pieradajucca taksama padańni pra dzivosnyja vylačeńni ludziej, jak cialesnyja, tak i duchoŭnyja. Aŭtar raspaviadaje pra duchoŭnuju suviaź uradžencaŭ i žycharoŭ Słonimščyny z Žyrovickaj śviatyniaj.
Dla šyrokaha koła čytačoŭ.
Nabyć heta dy inšyja novyja vydańni i biestsielery možna ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
