Italjanski deputat zrabiŭ prapanovu svajoj kachanaj padčas abmierkavańnia nastupstvaŭ ziemlatrusu VIDEA
Padčas hałasavańnia pa dekrecie ab ziemlatrusie deputat Fłavija de Mura paprasiŭ słova. I kali jamu słova dali, skazaŭ: «Eliza, ty vyjdzieš za mianie?» — piša sajt vydańnia IL TEMPO.
Ščaślivaja niaviesta, Eliza de Lea, u hety čas taksama znachodziłasia na pasiadžeńni.
Fłavija, robiačy prapanovu, skazaŭ: «Vielmi časta my hrebujem sapraŭdnymi kaštoŭnaściami, ludźmi, jakija nas lubiać, jakich lubim my. Mnie škada, što ja pieraryvaju pracu Pałaty, ale dla mianie asablivy dzień».
Paśla hetych słovaŭ deputat dastaŭ zaručalny piarścionak. Pad apładysmienty deputataŭ Eliza adkazała: «Tak».
Adnak nie ŭsich zamiłavaŭ žest deputata. Staršynia Pałaty Rabierta Fica adznačyŭ: «Ja ŭsio razumieju, ale vaša ŭmiašalnictva ŭ pracu, deputat De Mura, padajecca mnie niapravilnym».