Chto hety 10-hadovy chłopčyk, jaki pieršym vyjšaŭ na pole padčas matča BATE z «Čełsi»
Dla taho, kab stać «Junym arbitram KIA» i vynieści miač na hulniu Lihi Jeŭropy, Hlebu Udovinu pryjšłosia niekalki hadoŭ dakazvać svaju addanaść futbołu.
Kali zajmacca sportam jamu zabaranili daktary — jon vučyŭsia hulać pa padručnikach. Kali nielha było vychodzić na vulicu — treniravaŭsia ŭ kvatery.
Heta historyja akazałasia nastolki natchnialnaj, što z 500 zajavak ad chłopčykaŭ i dziaŭčynak z usioj Biełarusi arhanizatary vybrali mienavita jaho.
Za tym, jak juny spartsmien vynosić miač na hulniu BATE z «Čełsi», z trybun «Barysaŭ-areny» nazirała bolš za 13 000 čałaviek.
Uvieś minuły hod Hleb Udovin pravioŭ u pajezdkach pamiž domam i balnicaj. Chłopčyk pieranios ciažkuju chvarobu i da hetaha času nie zaviaršyŭ kurs chimijaterapii. Palepšyć zmročnyja va ŭsich sensach budni dapamahło novaje zachapleńnie — futboł.
Hleb hadzinami vyvučaŭ bijahrafii viadomych hulcoŭ i teoryju hulni. A potym, niahledziačy na zabaronu daktaroŭ i mocnyja boli ŭ nahach, staŭ samastojna treniravacca prosta ŭ kvatery.
Užo hetaj viasnoj jon zmoh vyjści na dvaravy stadyjon, za niejkija paŭhoda jon staŭ najlepšym bramnikam u rajonie. Nastupny cud adbyŭsia vosieńniu: KIA Motors u Biełarusi zaprasiła chłopčyka adkryć matč Lihi Jeŭropy na «Barysaŭ-Arenie».
«Konkurs «Juny arbitr KIA» dapamahaje dzieciam vynosić miač na samyja značnyja futbolnyja matčy. My atrymali bolš za paŭtysiačy listoŭ ad chłopčykaŭ i dziaŭčynak z usich kutkoŭ Biełarusi, jakija žadajuć adkryć matč BATE z «Čełsi», — raspaviadaje Volha Sikorskaja, načalnik adździeła markietynhu KIA u Biełarusi i arhanizatar prajekta. — Zrabić vybar było niaprosta, usie dzieci vartyja ažyćciaŭleńnia mary. Razam z futbalistam Alaksandram Hlebam i trenieram FK BATE Alaksiejem Baham my vyrašyli, što pieršym «Junym arbitram KIA» ŭ Biełarusi stanie 10-hadovy chłopčyk z Žodzina».
U dzień matču Hleb Udovin nie spaŭ z 6-j ranicy.
Jamu treba było nie prosta adkryć matč Lihi Jeŭropy, ale i vyvieści na pole futbalistaŭ BATE i «Čełsi». U Minsk anhlijski kłub pryjechaŭ u svaim zornym składzie: čempijony śvietu Aliŭje Žyru i Nhoła Kante, bronzavy pryzior Eden Azar. Na stadyjon u Barysaŭ junaha arbitra dastavili na aŭtamabili KIA za hadzinu da pačatku hulni. Treba było prajści instruktaž ad pradstaŭnika UEFA — miač trymać upeŭniena i nie zabyvać uśmichacca, — a taksama pahutaryć z žurnalistami.
Roŭna a 20:51 dźviery na pole adkrylisia i Hleb apynuŭsia na stadyjonie. Za tym, jak jon vynosić miač i vyvodzić spartsmienaŭ na pole, z trybunaŭ nazirali bolš za 13 000 čałaviek — usie kvitki na «Barysaŭ-arenu» byli raspradadzienyja.
Pačuŭsia śvistok arbitra — i hulnia pačałasia. A Hleb adpraviŭsia na trybunu, kab razam z mamaj i tatam sačyć za matčam. Zaŭzieŭ jon, viadoma ž, za lubimy barysaŭski kłub. Jon ličyć, što hulnia atrymałasia pryhožaj i zachaplalnaj, ale samym jarkim jaje momantam nazyvaje, viadoma ž, svoj vychad na pole.
