Stała viadoma, kudy biełarusy adpraviacca viartać miesca ŭ elicie čempijanatu śvietu
Šviejcarcy, jakim biełarusy prajhrali 2:5, dajšli da paŭfinału, Reuters.com
Kanhres Mižnarodnaj fiederacyi chakieja (IIHF) zaćvierdziŭ krainu praviadzieńnia čempijanatu śvietu 2019 hoda ŭ hrupie «A» dyvizijona I, dzie ŭ nastupnym hodzie vystupić zbornaja Biełarusi, jakaja ŭpieršyniu za 15 hadoŭ vylecieła z elity.
Viartać pucioŭku ŭ kłas najmacniejšych biełaruskim chakieistam treba budzie ŭ Kazachstanie.
Jak adznačaje shaiba.kz, turnir projdzie ŭ Astanie na lodzie «Barys-Areny» z 29 krasavika pa 5 maja 2019 hoda. Supiernikami biełarusaŭ, akramia haspadaroŭ turniru, stanuć Słavienija, Vienhryja, Paŭdniovaja Kareja i Litva.
Dźvie najlepšyja kamandy hetaj šaściorki atrymajuć propusk u elitny dyvizijon na ČS-2020.
Akramia Kazachstana, zajaŭku na praviadzieńnie turniru padavała chakiejnaja fiederacyja Słavienii, ale delehaty kanhresa IIHF padtrymali Kazachstan.
Nahadajem, što ČS-2021 u elitnym dyvizijonie projdzie ŭ Minsku i Ryzie, tamu kamandy Biełarusi i Łatvii buduć mieć broń ad vyletu.
