Aryna Sabalenka ŭvajšła ŭ top-50 suśvietnaha rejtynhu tenisistak
Biełaruskaja tenisistka Aryna Sabalenka ŭpieršyniu ŭ karjery ŭvajšła ŭ top-50 suśvietnaha rejtynhu, paviedamlaje BiełTA.
Na minułym tydni Aryna zajmała 61-je miesca, a paśla ŭdałaha vystupleńnia na turniry ŭ šviejcarskim Łuhana, dzie jana dajšła da finału, padniałasia na 14 pazicyj i zajmaje ciapier 47-je miesca, nabraŭšy 1128 ačkoŭ.
U Alaksandry Sasnovič 56-ja pazicyja, Viktoryja Azaranka znachodzicca na 95-m miescy, Viera Łapko zajmaje 111-y radok u rejtynhu Žanočaj tenisnaj asacyjacyi (WTA).
U kancy hetaha tydnia biełaruskaja zbornaja, za jakuju zhulajuć Sabalenka, Sasnovič, Łapko i Lidzija Marozava, sustreniecca ŭ matčy Kubka Fiederacyi z kamandaj Słavakii. Hulnia za prava zastacca ŭ elitnym dyvizijonie kamandnaha čempijanatu śvietu projdzie 21-22 krasavika na korcie minskaj «Čyžoŭka-Areny».
