Kašmar biełaruskich bijatłanistaŭ u estafiecie: Varabiej upaŭ na starcie i zhubiŭ patrony
Na etapie Kubka śvietu ŭ aŭstryjskim Chochfilcenie prajšła mužčynskaja estafieta. Biełarusaŭ źniali z dystancyi, bo paśla treciaha etapa naša kamanda adstavała na cełaje koła.
U biełarusaŭ usio pajšło nie tak ź pieršych mietraŭ dystancyi Maksim Varabiej začapiŭsia łyžaj za nahu supiernika i pavaliŭsia. U vyniku padzieńnia na łyžy biełarusa adšpililisia ramiani. Zaminka kaštavała Varabju 15 siekund adstavańnia.
Da honara Maksima da pieršaj stralby jon likvidavaŭ adstavańnie. Ale, mahčyma, padčas padzieńnia zhubiŭ dadatkovyja patrony. Na druhim ahniavym rubiažy Maksim paprasiŭ patrony ŭ sudździaŭ, a heta znoŭ strata vialikich kaštoŭnych siekund. Plus da ŭsiaho Varabiej nie daŭ rady stralbie i pajšoŭ na dva štrafnyja koły.
Varabiej zakončyŭ svoj etap apošnim, pieradaŭšy estafietu Antonu Smolskamu z adstavańniem u amal čatyry z pałovaj chviliny. U niadzielu ŭ Maksima dzień naradžeńnia — napeŭna, najhoršy dzień naradžeńnia ŭ jaho žyćci.
Na trecim etapie lidary abahnali biełarusaŭ na koła, i arhanizatary źniali našych bijatłanistaŭ z honki.
Honku vyjhrała zbornaja Narviehii razam z Ule-Ejnaram Bjorndalenam.
