Bajec ukrainskaha «Bierkuta» ŭładkavaŭsia na pracu ŭ minski AMAP, daje pakazańni na apazicyjanieraŭ
Na sajcie informnapalm.org vyjšła novaje rasśledavańnie, jakoje tyčycca pracaŭładkavańnia ludziej, što razhaniali kijeŭski Majdan u 2013—2014 hadach. Havorka pra bajcoŭ śpiecpadraździaleńnia MUS Ukrainy «Bierkut». Mnohija z bajcoŭ «Bierkuta» źjechali ŭ Rasiju ci Krym, ale i byli takija, chto abraŭ Biełaruś.
Možna ŭpeŭniena kazać, što ŭ sistemie MUS Biełarusi ciapier pracuje ŭradženiec Mikałajeŭskaj vobłaści Mikałaj Staharniak. Chłopiec słužyŭ u «Bierkucie» Mikałajeŭskaj vobłaści, jaki prymaŭ niepasredny ŭdzieł u padziejach na Majdanie.
28-hadovy chłopiec, chacia i aściarožny ŭ sacyjalnych sietkach, ale čas ad času publikuje fatazdymki, na jakich lohka identyfikujecca Biełaruś — to jon na ahladnaj placoŭcy Nacyjanalnaj bibliteki, to la «Barysaŭ-Areny».
U Biełarusi Mikałaj Staharniak užo paŭdzielničaŭ u palityčnych spravach jak supracoŭnik AMAPa. 13 sakavika bajec prachodziŭ jak śviedka ŭ pracesie suprać Viačasłava Kasinierava, jakoha sudzili za ŭdzieł u «Maršy niedarmajedaŭ».
Staharniak śviedčyŭ, što paznaŭ Kasinierava siarod astatnich udzielnikaŭ šeścia. Maŭlaŭ, Kasinieraŭ u miehafon vykrykvaŭ łozunhi «Žyvie Biełaruś» i «Basta». U vyniku Kasinieraŭ byŭ asudžany na 15 sutak. Pa pakazańniach Staharniaka stolki ž atrymaŭ inšy ŭdzielnik «Marša niedarmajedaŭ» Źmicier Mitrašeŭski.
