Marten Furkad pieramoh u honcy pieraśledu na etapie Kubka śvietu pa bijatłonie, Siarhiej Bačarnikaŭ — 18-y
Anton Šypulin, Marten Furkad i Juljan Ebierchard. Fota IBU
Lidar bijatłonnaha siezona francuz Marten Furkad vyjhraŭ mužčynskuju honku pieraśledu na 7-m etapie Kubka śvietu ŭ paŭdniovakarejskim Pchienčchanie. Jon pieraadoleŭ 12,5 km za 31 min. 24,2 siek., biez promachaŭ na čatyroch ahniavych rubiažach.
Druhoje miesca zaniaŭ rasijanin Anton Šypulin, jaki pry idealnaj stralbie adstaŭ ad Furkada na 34,5 siek., trecim da finišu pryjšoŭ aŭstryjski bijatłanist Juljan Ebierchard (36,7 siek.; 3 promachi).
Z trojki biełaruskich bijatłanistaŭ lepšy vynik u Siarhieja Bačarnikava, jaki finišavaŭ 18-m (+2 min. 05, siek.; 0).
Zaŭtra, 5 sakavika, u Pchienčchanie projduć dźvie estafietnyja honki: u žančyn 4ch6 km i mužčyn 4ch7,5 km. Žanočaja estafieta pačniecca ŭ 10.30, mužčynskaja — u 13.45 pa minskim časie, nahadvaje BiełTA.
