SpaceX pakazała kamfartabielny pasažyrski kaśmičny karabiel VIDEA
Prosta «Star Trek» niejki.
Kampanija Ełana Maska SpaceX pakazała interjer kaśmičnaha karabla Dragon V2 u pasažyrskaj viersii Crew Dragon…
…i imitacyju jaho palotu ŭ kosmas.
Chacia interjer karabla robić uražańnie fantastyčnaha filma, takija karabli ŭžo ŭ 2017 hodzie pačnuć vazić astranaŭtaŭ na MKS. Na borcie mohuć znachodzicca da siami astranaŭtaŭ. U hruzavoj viersii — 2,5 tony hruzu i čatyroch astranaŭtaŭ.
Dla astranaŭtaŭ siarod inšaha praduhledžanyja čatyry iluminatary i klimat-kantrol (pa žadańni tempieratura ŭ karabli vystaŭlajecca ad +15 da +26). Paneli kiravańnia padobnyja nie da kabin avijałajnieraŭ z mnostvam tumbleraŭ i lampačak, a chutčej da zvyčajnych mikrachvalovak ci pralnych mašyn z pryleplenymi da ich płanšetami.
Na ekstranny vypadak praduhledžanaja sistema evakuacyi, jaje test paśpiachova prajšoŭ u mai.
Hruzy na MKS z 2012 hoda dastaŭlajucca na pieršym «Drakonie» SpaceX, karabli vyvodzić na arbitu ich ža rakieta Falcon 9. Amierykancy prapanujuć viarnucca na Miesiac mienavita z dapamohaj ich rakiet i karabloŭ — tak vyjdzie ŭ 10 raz tańniej. Sama kampanija sprabuje źmienšyć canu zapuskaŭ rakiet za košt ich šmatrazovaha vykarystańnia: sproby pasadzić paśla zapusku stupień rakiety na Ziamlu prachodziać sa studzienia, ale pakul štoraz nieštazaminaje pravieści idealnuju pasadku.
Zasnavalnik kampanii Ełan Mask tym časam płanuje marsijanskuju prahramu.
