Палажанка выйшла з турмы на Акрэсціна

30 верасня на волю з турмы на вуліцы Акрэсціна выйшла намесніца кіраўніка «Маладога фронту» [зарэгістраваны ў Чэхіі] Наста Палажанка. 19 верасня Насту арыштавалі на 11 сутак адміністрацыйнага арышту.

Яе затрымалі разам з былым палітвязнем Уладзімірам Яроменкам, калі яны меліся вывесіць у Мінску нацыянальныя сцягі. Палажанку і Яроменка звінавацілі ў парушэнні парадку правядзення і арганізацыі масавага мерапрыемства.

Сваю акцыю яны прымеркавалі да 20-й гадавіны абвяшчэння «Пагоні» і бел-чырвона-белага сцяга дзяржаўнымі сімваламі Беларусі. Уладзіміра Яроменку пакаралі 12 суткамі арышту. На волю ён выйдзе 1 кастрычніка.

Наста Палажанка была асуджаная за падзеі 19 снежня на 1 год пазбаўлення волі з адтэрміноўкай пакарання на 1 год.

Уладзімір Яроменак па справе аб падзеях на Плошчы атрымаў 3 гады калоніі ўзмоцненага рэжыму. Быў вызвалены 13 жніўня.

Радыё Свабода

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0