Праваабаронцы: 17 кастрычніка затрымалі каля 40 чалавек

17 кастрычніка ў Беларусі былі анансаваныя студэнцкі Марш маладосці і Жаночы марш.

Праваабаронцам вядомыя ўжо каля 40 прозвішчаў людзей, затрыманых падчас мірных акцый пратэсту 17 кастрычніка. У асноўным гэта студэнты.

Нагадаем, студэнцкая калона з больш як сотні ўдзельнікаў рушыла ад Лінгвістычнага ўніверсітэта на праспект насустрач Жаночаму маршу. Праз квартал, на скрыжаванні з вуліцай Казлова, студэнтаў перанялі сілавікі.

Затрымалі таксама журналістаў Дар'ю Спевак (Onliner), Вадзіма Заміроўскага і Усевалада Зарубіна (Tut.by і БелаПАН). Іх узялі нібыта для «праверкі дакументаў», але ў РУУС распачалі адміністратыўны працэс. Ці адпусцяць іх сёння з міліцыі, пакуль невядома.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0