Мінск: двое мужчын збілі кіроўцу Audi, які іх падрэзаў - запіс відэарэгістратара

Зух на Audi на вуліцы Някрасава ў Мінску павесяліўся: выехаў на сустрэчку, падрэзаўшы другую машыну. У адказ кіроўца і пасажыр іншага аўтамабіля вырашылі правучыць яго. На святлафоры яны выскачылі з аўто і накінуліся з кулакамі на кіроўцу Audi A4.

Адбылося здарэнне каля 12:30 у мінулую суботу. Немаладыя на выгляд мужчыны адкрылі дзверы Audi і сталі нагамі і рукамі збіваць яе кіроўцу. Калі той уцёк, яны кінуліся за ім у пагоню.

Дарожная агрэсія спараджае яшчэ большую агрэсію. Кіроўца Audi дапусціў адміністрацыйнае правапарушэнне, а вось у яго апанентаў могуць узнікнуць праблемы з крымінальным заканадаўствам. Першаму дастаткова звярнуцца з заявай у міліцыю.

Паводле auto.onliner.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0