Шпакоўскі: На нас павінны баяцца напасці
Дарадца-пасланнік пасольства Беларусі ў Расіі бярэ ўдзел ва Усебеларускім народным сходзе. У прыватнасці, ён абмаляваў міжнародную абстаноўку.
Фота: БелТА
«Мы адзначаем эскалацыю ваенна-палітычнай напружанасці па перыметры беларускіх межаў. На жаль, сітуацыя лепш не стала, — цытуе словы Шпакоўскага БелТА. — Мы бачым імкненне асобных актараў, якія прадстаўляюць заходнія краіны, павялічыць сваю вайсковую прысутнасць паблізу беларускіх межаў. Адзначаем небяспечныя эксперыменты ў сферы ваенна-біялагічнай дзейнасці».
Таму неабходна адаптаваць нацыянальнае заканадаўства такім чынам, каб мы былі гатовыя гарантаваць бяспеку нашай дзяржавы, абараніць мір і парадак на беларускай зямлі, адзначыў ён.
«Наша ваенная дактрына заснавана на прынцыпе прычынення непрымальнай шкоды суперніку. Каб растлумачыць гэта для абывацеля простымі словамі — на нас павінны баяцца напасці, у дачыненні да Беларусі павінны баяцца праявіць нейкія агрэсіўныя памкненні, — дапоўніў Аляксандр Шпакоўскі. — Але, што немалаважна, Беларусь нікому не пагражае. Мы заўсёды гатовыя даць свае добрыя паслугі і свой патэнцыял для дээскалацыі міжнароднай абстаноўкі».
Чытайце таксама:
Лукашэнка стане старшынёй УНС адначасова з прэзідэнцтвам. Намеснікам будзе Косінец
«Ды ён усіх закалупаў!» Упершыню ў Лукашэнкі з'явіўся намеснік. Хто ён — Аляксандр Косінец?
Галасаванне за Лукашэнку і Косінца зрабілі не аднагалосным
Дэкарацыя замест новага цэнтра ўлады. Што стала ясна з першага дня працы УНС?
«Бацька ў іх круты». Хто ўдзельнічаў у святочным канцэрце для ўдзельнікаў УНС
