Два чалавекі аказаліся ў рэанімацыі ў Гродне з-за ўкусаў кляшчоў
Два пацыенты абласной інфекцыйнай бальніцы апынуліся ў рэанімацыі з клешчавымі інфекцыямі, яшчэ два рыхтуюцца да выпіскі. Пра гэта распавялі ў эфіры «Гродна Плюс». Пры гэтым зазначаецца, што сезон толькі пачаўся.
Летась з клешчавым энцэфалітам да гродзенскіз медыкаў патрапілі 72 чалавекі, у тым ліку сямёра дзяцей. Прычым частка пацыентаў нават не ведала пра ўкус.
— Частка пацыентаў, гэта недзе да 30% пралечаных з дадзеным захворваннем, выключаюць сам укус кляшча. Чаму так? Гэта самачка кляшча можа ўкусіць, унесці вірус і адпасці ад скуры. Таму чалавек не будзе нават ведаць, што яго ўкусіў клешч. І, на жаль, праз нейкі час развіваецца захворванне, — растлумачыла Наталля Малышка, галоўны доктар гродзенскай абласной інфекцыйнай бальніцы.
Якія сімптомы клешчавога энцэфаліту? Першыя прыкметы — лёгкая немач, закладзены нос, пяршэнне ў горле, слабасць, невысокая тэмпература. Доўжыцца гэты перыяд 5-6 дзён. Пасля самаадчуванне паляпшаецца, але ненадоўга: на 10—14 суткі ўзнікае другая хваля.
Развіваецца пашкоджанне цэнтральнай нервовай сістэмы, пачынаецца паражэнне галаўнога мозга. Гэта можа прывесці да рэанімацыі.
Чытайце таксама:
Мужчына хварэў на кавід на працягу рэкордных 613 дзён. І паставіў сумны антырэкорд
У Мінздароўя расказалі, ад якіх вясновых грыбоў лепш адмовіцца
