Суд за данаты: чалавека затрымалі, калі прывёз перадачу арыштаванаму брату
У чацвер пачнуць судзіць Андрэя Лапаціна.
Мінгарсуд. Фота: Вясна
Андрэя затрымалі напачатку мая 2023 года, калі ён прыехаў зрабіць перадачу свайму брату Максіму Лапаціну, затрыманаму па справе Мачулішчаў. Да гэтага мужчына жыў у Літве, піша «Вясна».
Спачатку яго абвінавацілі паводле арт. 289 Крымінальнага кодэксу (акт тэрарызму), а пазней артыкул перакваліфікавалі на 361-2 КК (фінансаванне экстрэмісцкай дзейнасці).
Працэс над ім распачнецца заўтра, 18 красавіка, у Мінскім гарадскім судзе. Справу будзе разглядаць суддзя Святлана Чарапанава.
Падтрымайце Андрэя грашовымі пераводамі, лістамі і пасылкамі: СІЗА-1. 220030, г. Мінск, вул. Валадарскага, 2, Андрэю Анатольевічу Лапаціну
Чытайце таксама:
Палітвязню Вадзіму Гусеву дадалі яшчэ адзін год зняволення
У Мінску за ўдзел у пратэстах судзяць адразу дзве сям’і
Палітвязень Сяргей Спарыш скардзіцца на адсутнасць медыцынскай дапамогі