Польскія футбольныя фанаты ўварваліся на трэніроўку і збілі беларускага трэнера Аляксандра Хацкевіча

Фота: ФК «Дынама» Кіеў

У сераду на трэніроўцы ў Сасноўцы ўварвалася група фанатаў. Яны збілі беларускага трэнера Аляксандра Хацкевіча, піша сайт meczyki.pl.

У гэтым сезоне «Заглэмбе» выглядае жудасна. Каманда займае апошняе месца ў табліцы першай лігі, адстаючы ад выратавальнага 15-га месца на 12 балаў за дзевяць тураў да фінішу. У панядзелак клуб быў разгромлены на сваім полі ГКС з Катавіцаў з лікам 0:4.

Хацкевіч, які ў свой час трэніраваў кіеўскае «Дынама» і зборную Беларусі, узначаліў каманду ў сярэдзіне студзеня (чэмпіянат аднавіўся ў канцы лютага), але лепш пры ім не стала. З таго часу «Заглэмбе» згуляла два матчы ўнічыю, а чатыры прайграла.

Падчас трэніроўкі каманды ў сераду, па звестках Meczyki.pl, там з'явілася група фанатаў. Хацкевіч атрымаў удар у твар. Акрамя таго, беларус атрымаў некалькі ўдараў нагамі.

Таксама паведамляецца, што трэнер у хуткім часе развітаецца з клубам.

@nashanivanews Палякі ўварваліся на трэніроўку беларускага трэнера Аляксандра Хацкевіча #беларусь#беларускаямова#мова#беларусьновости#нашаніва#навіны#беларускітыкток#беларускіцікток#фанаты#белорусы♬ sad hamster meme sound - CrazyToastCat

Чытайце таксама:

Беларускі трэнер Аляксандр Хацкевіч трапіў у няёмкую сітуацыю ў Польшчы

На сайце «Заглэмбе» каля прозвішчаў Хацкевіча і Залеўскага змясцілі БЧБ-сцягі замест чырвона-зялёных

Беларускі галкіпер перайшоў у клуб з Польшчы

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

1

31

10

6

12

48