Яшчэ дзве авіябомбы скінулі расійскія самалёты на Белгарадскую вобласць
Як піша ASTRA са спасылкаю на свае крыніцы, 25 сакавіка ФАБ-50 знайшлі ў раёне вёскі Смародзіна Якаўлеўскай гарадской акругі. Боепрыпас ужо знішчылі, жыхароў не эвакуявалі, пацярпелых няма. У гэты ж дзень авіябомбу знайшлі ў раёне вёскі Зыбіна Барысаўскага раёна.
За апошні тыдзень, піша ASTRA, стала вядома ўжо пра 8 авіябомбаў, які ўпалі ў рэгіёне.
Так, 21 сакавіка ФАБ-500 знайшлі ў раёне вёскі Антонаўка Грайваранскай гарадской акругі.
У гэты ж дзень, 21 сакавіка, яшчэ адну ФАБ-500 знайшлі ўжо ў Барысаўскім раёне Белгарадскай вобласці, у раёне вёскі Крукава.
Чытайце таксама:
Мінабароны Расіі сцвярджае, што над Белгарадскай вобласцю былі збітыя ракеты з сістэмы Vampire
Улады памежнага расійскага Грайварана заклікалі жыхароў эвакуіравацца
Пуцін выразіў захапленне жыхарамі Белгарада, ім паапладзіравалі
