Парламент Чэхіі абвясціў Расію самай вялікай пагрозай бяспекі для краіны
Чэшскі парламент прыняў рэзалюцыю, у якой гаворыцца, што «расійскі тэрарыстычны рэжым» здзяйсняе ваенныя злачынствы і спрабуе пашырыць сферу свайго ўплыву на Украіну і іншыя еўрапейскія краіны. Таму, мяркуюць чэшскія парламентарыі, вельмі важна працягваць дапамагаць Украіне ў яе абароне ад расійскай агрэсіі, піша BILD.
«Спыненне паставак вайсковай тэхнікі прывядзе да заваёвы і спусташэння Украіны расійскім тэрарыстычным рэжымам», — гаворыцца ў рэзалюцыі.
Раней Чэхія перадала Кіеву баявыя танкі, ударныя верталёты і сістэмы залпавага агню.
Цяпер Прага закупіла каля 800 тысяч артылерыйскіх снарадаў для таго, каб адправіць іх ва Украіну.
Чытайце таксама:
Пяць краінаў ЕС заклікаюць забараніць імпарт збожжа з Беларусі і Расіі
Чэхія ўвяла бестэрміновую забарону на выдачу візаў беларусам і расіянам
