«Кіберпартызаны» папярэджваюць пра небяспечны баг у тэлеграме
«Кіберпартызаны» папярэджваюць пра патэнцыйную небяспеку, якая можа чакаць беларускіх карыстальнікаў тэлеграма. Паводле іх, у версіі тэлеграма для ПК у некаторых карыстальнікаў з'яўляюцца старыя чаты, з якіх яны даўно выйшлі. У профілі такіх чатаў напісана «група недаступная», але пры гэтым адлюстроўваюцца ўсе паведамленні да моманту, пакуль чат не стаў суперсуполкай (адміны ў чаце сталі ананімнымі).
Каб даць гэтаму рады, «Кіберпартызаны» прапануюць наступны алгарытм:
1) запусціце тэлеграм на ПК і ўважліва паглядзіце спіс чатаў;
2) калі выявілі чат, з якога вы раней выйшлі, з пазнакай «група недаступная»:
уручную выдаліце ўсе свае паведамленні ў гэтым чаце;
выдаліце ўсе чужыя паведамленні;
выдаліце сам чат.
Выдаліць такі «недаступны чат» можна толькі ў сябе, у іншых удзельнікаў ён застанецца. Таму варта звязацца з усімі ўдзельнікамі, якія знаходзяцца ў Беларусі, каб яны таксама выдалілі гэты чат.
Чытайце таксама:
«Кіберпартызаны» расказалі пра новы спосаб махлярства ў тэлеграме
Базы каментаў МУС рабіў, але не вельмі бачна, што ГУБАЗіК імі карыстаецца. Іх "улікі" звычайна тыя невыдаленыя (!) паведамленні, якія яны наскрыншоцілі з вашага акаўнта. Часам з папярэдняга зараз выдаленага, калі яны ведаюць, што ён ваш.
Тут і прычына ўсё ж такі выдаляць паведамленні. Выдаленыя паведамленні яны не выставяць як "правапарушэнне, якое працягваецца". Няма сэнсу спрашчаць ім справу.
Ну і правільна не толькі добра пачысціць старыя акаўнты, але і перастварыць іх.